Tiramisu með öðru sniði

Þessi er fyrir lengra komna, tekur smá tíma en er vel þess virði. Ótrúlega góður eftirréttur sem þú hefur pottþétt ekki prófað áður. Núna er tíminn til að láta reyna á bökunarhæfileikana!

---

---

Hráefni

• 100gr sykur

• Börkur og safi af 3 sítrónum

• 100ml Limoncello Atlantico

• 500gr Mascarpone

• 600ml rjómi

• 3 msk flórsykur

• 100gr sítrónukrem (e. lemon curd)

• 200gr kökufingur (e. ladyfingers)

• 2 stórar sítrónur (til að skreyta)

• 200gr flórsykur (til að skreyta)

Aðferð

1. Blandið saman sykri, börk og safa af 2 sítrónum og 50ml af vatni í pott

2. Byrjið á lágum hita þar til sykurinn er bráðnaður og hækkið svo upp í suðu í um 2-3 mínútur

3. Bætið við helmingnum af Limoncello-inu og látið kólna

4. Þeytið Mascarpone ostinn í annarri skál þar til hann er orðinn vel mjúkur

5. Bætið rólega við rjómanum, flórsykrinum, helmingnum af lemon curd og hinum helmingnum af Limoncello-inu. Bætið svo við börk af einni sítrónu og einni matskeið af sítrónusafa

6. Blandið saman í litla skál restinni af sítrónusafanum með restinni af lemon curd og setjið til hliðar

7. Bleytið upp í ladyfingers í sykurmixtúrunni og setjið svo í botninn á framreiðsluskálinni

8. Setjið svo helminginn af Limoncello-ostafyllingunni ofan á

9. Endurtakið þar til allt hefur verið sameinað og geymið í ísskáp í um 3 tíma

10. Skerið sítrónurnar mjög þunnt, setjið í sjóðandi vatn í eina mínútu og snöggkælið svo í skál með ísvatni

11. Setjið sykurinn í breiðan pott með 200ml af vatni og sjóðið á lágum hita þar til sykurinn hefur bráðnað

12. Hækkið hitann, setjið sítrónurnar útí og leyfið þeim að malla í um klukkutíma

13. Slökkvið undir pottinum og færið sneiðarnar yfir á bökunarpappír og látið kólna

14. Skreytið tiramisu-ið með sítrónunum, smá sótrónubörk og afgangnum af lemon curd